Nurəliyev "Forbes"in milyarderlər reytinqinə düşdü

Rusiyanın "1C" IT şirkəti qrupunun yaradıcısı Boris Nurəliyevin sərvəti artıb. İlk dəfə olaraq Forbes reytinqini müəyyən edənlər onun varidatını 1,3 milyard dollar qiymətləndiriblər. Beləliklə, məşhur proqram təminatının yaradıcısı ilk dəfə olaraq dünyanın ən zəngin insanlarının dünya reytinqinə daxil olub.

"1C" Qrupu özündə müxtəlif proqram təminatının hazırlanması, satışı və dəstəklənməsi üzrə ixtisaslaşmış yüzdən çox şirkəti birləşdirir. Bura biznes proqramlarından və təhsil proqramlarından tutmuş kompüter oyunlarına qədər daxildir. "Tadviser" analitiklərinin fikrincə, konsolidə edilmiş maliyyə göstəricilərini açıqlamayan holdinq 2022-ci il üçün 64,9 milyard rubl gəlir əldə edib.

Nurəliyev milyard dollarlıq sərvəti proqram təminatı sayəsində formalaşmış dördüncü rusiyalı sahibkar olub. Əvvəllər "Forbes"in siyahısına Yevgeni Kasperski (Kaspersky Laboratoriyasının təsisçisi) və Denis Frolov (Astra Group-un ən böyük səhmdarı) daxil idi. Əvvəllər də reytinqə düşmüş Yuri Maksimov isə (Positive Technologies-in həmsahibi) varidatının azalması səbəbindən bu il siyahını tərk etdi. Praqa şirkəti sayəsində milyarderə çevrilən JetBrains-in yaradıcıları Sergey Dmitriev və Valentin Kipyatkov isə 2022-ci ildə Rusiya vətəndaşlığından imtina ediblər.

Tural