Kürdəmirdə zəncirvari yol qəzası oldu, ölən var

Kürdəmirdə zəncirvari yol qəzası olub, xəşarət alanlar və ölən var.

Hadisə Ağsu-Kürdəmir-İmişli avtomobil yolunun rayonun Təklə kəndindən keçən hissəsində qeydə alınıb.

Hərəkətdə olan "Daewoo" markalı avtomobil yol kənarında dayanmış "VAZ-2106" markalı avtomobilə, daha sonra eyni markalı digər "VAZ"a çırpılıb.

Nəticədə "VAZ"lardan biri yoldan çıxaraq aşıb. Qəza zamanı rayon sakinləri — 27 yaşlı Əlismayıl Əliyev xəsarət alıb. Zərərçəkənlər Kürdəmir Rayon Mərkəzi Xəstəxanasına yerləşdirilib.

Rayonun Yeni Şıxımlı kənd sakini, 1992- ci il təvəllüdlü Kamran Nadir oğlu Məmmədov vəfat edib.

Faktla bağlı araşdırma aparılır.