Kadırov 18 yaşlı oğluna Çeçenistan Qəhramanı adı verdi

Çeçenistan Təhlükəsizlik Şurasının katibi Adam Kadırova Çeçenistan Respublikasının Qəhrəmanı adı verilib. Regionun ən yüksək mükafatını ona respublika rəhbəri, eyni zamanda doğma atası Ramzan Kadırov təqdim edib.

News365.az xəbər verir ki, bu barədə Kommersant məlumat yayıb.

Çeçenistan hökumətinin sədri Maqomed Daudov 18 yaşlı Adam Kadırova 2-ci dəfə verilən ali fəxri adın əsaslandırılması ilə bağlı açıqlama verib.

Daudov jurnalistlərə açıqlamasında təltif üçün əsas kimi dövlət qarşısında xüsusi xidmətlər, xalqa sədaqətli xidmət və xüsusi hərbi əməliyyatın iştirakçılarına göstərilən hərtərəfli dəstək nəzərə alındığını deyib.