Avstriyada 2 200 illik dəmir xəzinəsi aşkarlanıb

Avstriyada Dunay çayının yaxınlığında aşkarlanan qədim dəmir külçələri Avropanın Dəmir dövrünə aid ən böyük belə tapıntısı hesab olunur.

News365.az xəbər verir ki, ümumi çəkisi təxminən bir ton olan dəmir külçələr təxminən 2 200 il əvvələ aiddir.

2019-cu ildə çınqıl hasilatı zamanı aşkar edilən tapıntı 500-ə yaxın dəmir külçəsindən ibarətdir. Arxeoloqların hesablamalarına görə, bu qədər dəmirdən təxminən 500 qılınc hazırlamaq mümkün idi.

Alimlər hesab edirlər ki, dəmir çay vasitəsilə daşınarkən suya düşmüş ola bilər. Bununla belə, onun çaya hansı şəraitdə düşdüyü dəqiq müəyyən edilməyib.

Tapıntı həmin dövrdə Mərkəzi Avropada dəmir istehsalının və ticarətinin geniş miqyasını göstərir.