Yeni ağrıkəsici: Təbiət mənzərəsi
Avstriyanın Vyana Universitetində aparılan yeni araşdırma təbiətlə qarşılıqlı əlaqənin fiziki ağrını azalda biləcəyini ortaya çıxarıb. Üstəlik, yalnız təbiətdə olmaq deyil, hətta təbiət videolarına baxmaq belə ağrıkəsici təsir göstərə bilər. Bu, ağrı idarəçiliyi üçün virtual təbiət tətbiqlərinin – video məzmunları və virtual reallıq kimi üsulların – həm fərdi, həm də tibbi sahədə istifadəsini mümkün edir.
News365.az-ın məlumatına görə, tədqiqat çərçivəsində funksional maqnit-rezonans tomoqrafiyası (fMRI) vasitəsilə iştirakçıların təbiət mənzərələrinə baxarkən ağrını daha zəif və daha az narahatverici hiss etdikləri müəyyən edilib. Beynin ağrını emal edən mərkəzlərində aktivliyin azaldığı müşahidə olunub. Bu nəticələr göstərir ki, təbiətə əsaslanan terapiyalar ağrının idarə olunmasında effektiv və tamamlayıcı bir üsul kimi istifadə oluna bilər.
