Evez Zeynalli ilə bağlı Prezidentə müraciət edildi

Azərbaycanın hüquq müdafiəçiləri, media nümayəndələri, ictimai-siyasi xadimləri, partiya liderləri Azərbaycan Respublikasının Prezidenti İlham Əliyev cənablarına MÜRACİƏT göndəriblər.

News365.az xəbər verir ki, müraciətdə deyilir: 

“Cənab Prezident!

“Xural” Media Yayınları Qrupunun rəhbəri Əvəz Zeynallı 2022-ci ilin sentyabrında həbs olunub. Həbsdə olduğu müddətdə onun səhhətində ciddi problemlər yaranıb. Təxminən il yarım əvvəl gözündə ciddi əməliyyat aparılıb. Digər gözündə əməliyyat aparılmasına həbsxanada olduğu üçün həkimlər etiraz ediblər.

Bu günlərdə isə, müayinə olunduğu Ədliyyə Nazirliyi Baş Tibb İdarəsinin Müalicə Müəssisəsində ona bədxassəli xərçəng diaqnozu qoyulub: «Metastatik Colon (yoğun bağırsaq) Canceri (qara ciyərə metastazla)» . Bu vəziyyət (yəni uzaq metastazların olması) şişin irəli inkişaf etmiş (advanced) və yayılmış stadiyasıdır.

 Cənab Prezident!

Yaranmış situasiyada Əvəz Zeynallının səhhəti ilə bağlı qoyulmuş diaqnozun kifayət qədər ciddiliyini, həyatının təhlükədə olmasını, yetərincə peşəkar müayinə və müalicəyə ehtiyac yarandığını , bu proseslərinin isə həbsxana şəraitində aparılmasının mümkünsüzlüyünü diqqətinizə çatdırmaq istəyirik.

Əvəz Zeynallının səhhətinin kifayət qədər ciddi təhlükə altında olmasını, onun müsbət reputasiyasını, ictimai faydalılıq əmsalını, ailəli olmasını və şəxsiyyət göstəricilərini nəzərə almaqla onun həbs qətimkan tədbirinin dəyişdirilməsini və azadlığa buraxılmasına göstəriş vermənizi Sizdən xahiş edirik.

Əvəz Zeynallı bütün şüurlu ömrünü Azərbaycana, onun dəyərlərinə, Azərbaycan xalqının maarifləndirilməsinə sərf edib.

Azərbaycanda fəaliyyət göstərdiyi 30 il müdfətində hər zaman Azərbaycan dövlətinin maraqlarına xidmət edib, dövlətin təməlinə zərər vuran ünsürlərlə mübarizə aparıb.

Cənab Prezident!

 Əvəz Zeynallının 2 qızı var. Onlardan biri Danimarkanın Aarhus universitetinin jurnalistika fakultəsini bitirmək üzrədir. Türkiyə Təhsil Nazirliyi növbəti tədris ilində Londonda təhsil alması üçün ona şans tanıyıb. İkinci qızı isə İstanbul Universitetinin Tibb fakultəsinin bu il məzunu olacaq.

Cənab prezident!

Siz, Azərbaycana rəhbərlik etdiyiniz dövrdə dəfələrlə humanistlik göstərərək, minlərlə məhkumu əfv etmisiniz, insanlara növbəti şans tanımısınız!

İnanırıq ki, Əvəz Zeynallının həbsdən azad edilməsi və müalicəsinin lazımi səviyyədə aparılması üçün müstəsna səlahiyyətlərinizdən istifadə edərək, onun azadlığa buraxılması ilə bağlı lazımi göstərişi verəcəksiniz.

Əvvəlcədən Sizə dərin minnətdarlığımızı bildiririk.

14.04.2025

Novella Cəfəroğlu – Hüququ müdafiəçisi

Səadət Bənənyarlı – Hüquq müdafiəçisi

Arzu Abdullayeva – Hüquq müdafiəçisi

Səidə Qocamanlı – Hüquq müdafiəçisi

Dilarə Əfəndiyeva – Hüquq müdafiəçisi

Hilal Məmmədov – Hüquq müdafiəçisi

Fikrət Cəfərli – Hüququ müdafiəçisi

Vüqar Məmmədov -“Hürriyyət” Media Qrupunun rəhbəri

Mehman Əliyev – jurnalist

Zaur Qəriboğlu – “Reaksiya” Media Qrupunun rəhbəri

Rauf Arifoğlu –“ Yeni Müsavat” MQ-nun rəhbəri

Sevil Nuriyeva – media nümayəndəsi

Azər Həsrət – Hüquq müdafiəçisi, Əməkdar jurnalist

Elçin Zahiroğlu – jurnalist

İkram Rəhimov – jurnalist

Ceyhun Musayev – jurnalist

Ləman Ələşrəfqızı – Əməkdar jurnalist, LAF TV internet kanalının həmtəsisçisi

Şirin Cəfəri – “Gündəm Xəbər” MQ-nun rəhbəri

Nəsimi Şərəfxanlı – “Cümhüriyyət” MQ-nun rəhbəri

Zülfüqar Savaş – Savash.org saytının rəhbəri

Murad Köhnəqala – yazıçı, jurnalist

Aygün Muradxanlı – Prime TV youtube kanalının həmtəsisçisi

Şahin Nəcəfov – Prime TV youtube kanalının həmtəsisçisi

Kamran Həsənli – aparıcı jurnalist

Rüstəm Behrudi – Şair

Niyaz Niftiyev – Tarixçi, jurnalist

Elxan Şükürlü – jurnalist

Fadil Paşayev – Konkret az saytının rəhbəri

Bəhram İsmayıl – ABP sədri

Pənah Hüseyn – Azərbaycan Xalq Partiyasının sədri

Mirmahmud Mirəli oğlu – Klassik Xalq Cəbhəsi Partiyasının sədri

Fərəc Quliyev – Milli Demokrat Hərəkatı Partiyasının sədri

İqbal Ağazadə – Ümid Partiyasının sədri

Qorxmaz İbrahimli – MHB rəhbəri

Başxanım Abbasova – Şəhid Teymur Abbasovun anası

Səbirə Mahmudova – veteran jurnalist

Elçin Həsənzadə – Hüquq müdafiəçisi

İlqar Hüseynli – “Xural” Media Qrupunun əməkdaşı