"Ukrayna nümunəsi milli maraqlardan imtinanın nəticələrini göstərir" - Kopırkin

Dünya dövlətlərinin əksəriyyəti kollektiv Qərbin təsirinə boyun əymir, Rusiya ilə müxtəlif format və sferalarda əməkdaşlığı inkişaf etdirməkdə davam edir. Bunu Rusiyanın Ermənistandakı səfiri Sergey Kopırkin APRI Fondu və Rusiya Elm- Mədəniyyət Mərkəzinin konfransında deyib.

Onun sözlərinə görə, qlobal Cənub və Şərq xalqları dərk edirlər ki, suveren və güclü Rusiya sözə deyil, real prinsiplərə və BMT Nizamnaməsinə əsaslanan ədalətli çoxqütblü dünya nizamının formalaşmasında mühüm amilə çevrilib.

“Ukrayna nümunəsi bir dövlətin öz milli maraqlarından əl çəkməsi və Rusiya ilə qarşıdurma kontekstində Qərbin dağıdıcı geosiyasi ssenarilərini həyata keçirmək alətinə çevrilməsi halında nələrin baş verə biləcəyini açıq şəkildə nümayiş etdirir”, - Kopırkin qeyd edib.

Tural