Trampdan sonra Fox News-un aparıcısı da Kanadanın işğalını arzuladı

Xəbər verdiyimiz kimi ABŞ ilə Kanada hökuməti arasında siyasi qalmaqal davam edir.

Fox News-un aparıcısı Cessi Uotters ABŞ lideri Donald Trampın Kanadanı ölkənin əyalətinə çevirmək istəyinə maraqlı şəkildə reaksiya verib. O, Vaşinqtonun Kanadanı işğal etməklə "imperialist susuzluğunu yatırtmaq" istədiyini söyləyib.

“Onların (Kanadanın - red.) bizim bu ölkəni ələ keçirməyimizi istəməmələri məni yeni işğala məcbur edir... Mən imperialist susuzluğumu yatırmaq istəyirəm”, - o vurğulayıb.

Yanvarın 8-də Tramp özünün Truth Social səhifəsində ABŞ-nin Kanada ilə bir ölkə olduğunu əks etdirən iki xəritəni paylaşmışdı.

Birinci xəritədə Kanada ərazisi Amerika bayrağının rənglərində, ikinci xəritədə isə Kanada ABŞ ərazisi ilə eyni rəngdə göstərilir. 

Tural