Tramp ingilis dilini dövlət dili elan edəcək
Dünya
28 Fev 2025 21:15
ABŞ Prezidenti Donald Tramp ölkə tarixində ilk dəfə ingilis dilini rəsmi dilə çevirəcək sərəncam imzalamağı planlaşdırır.
News365.az xəbər verir ki, bu barədə “Vol Strit Jurnal” (WSJ) Ağ Evdəki mənbələrə istinadən məlumat yayıb.
Bildirilib ki, bu sərəncam prezident Bill Klintonun (1993-2001) verdiyi və federal maliyyə alan agentliklər və digər təşkilatların ingiliscə bilməyənlərə dil yardımı göstərməsini tələb edən federal mandatı ləğv edəcək.
Bununla belə, agentliklər hələ də bir çox dildə sənədlər və xidmətlər təqdim edə biləcəklər.
Rəsmi dilin təyin edilməsi qərarının hökumətin səmərəliliyinin artırılması və vətəndaş fəallığının təmin edilməsi ilə izah olunur.
