Süni intelekt barədə nə və nə qədər bilirik?- TƏHLİL
Son günlər
süni intellektlə bağlı xeyli ciddi müzakirələr başlayıb. Bilənlər danışmır,
bilməyənlər isə özlərini biləndər kimi aparır.
Aİ
texnologiyaları yaxşıdır, yoxsa pis?
Bu sualın
heç zaman birmənalı cavabı olmayacaq. Həmişə buna qarşı müqavimət olacaq. Bu,
normaldır! Tarixə nəzər saldıqda aydın görmək olur ki, yeniliklər heç vaxt birmənalı
qarşılanmayıb. Məsələn, İngiltərədə zamanında yeni dəzgahlara qarşı ciddi dirəniş
hərəkatı var idi. Hökumət məcbur olub dəzgahları qəsdən sıradan çıxaranlara
qarşı cəzanı nəzərdə tutan qanun qəbul etmişdi.
İnsan, yoxsa
texnika?
Bu sual ətrafında
düşünməyə və işləməyə ilk dəfə Alan Turinq başlayıb. İkinci Dünya Müharibəsi
zamanı o, xüsusi komissiyaya cəlb edilib və əsas məqsəd Almanların şifrəli
danışıqlarını açacaq texnologiyanı yaratmaq olub. Bu vəzifənin öhdəsindən
uğurla gəliblər. Bundan sonra Turinq araşdırmalarını dərinləşdirir. “Turinq
testi” onun adı ilə bağlıdır və insanla kompüterin rəqabətini ölçür. Maraqlı
olsa, Daron Acemoğlunun Power and Progress əsərini oxumağı tövsiyə edirəm.
Tarixdə bir
çox elmi yeniliklərə qarşı ciddi müqavimətin səbəbləri bunlar olub:
1. Kilsənin
formalaşmış xəttinə zidd olması;
2. İnsanları
istehsaldan çıxarması.
Aİ həmişə
düz ola bilərmi?
Əlbəttə,
yox. Çünki o, insanın yazdıqları əsasında formalaşır. Biz eyni mövzuda yüzlərlə
səhv məlumatı Aİ-yə yükləsək, aydındır ki, o da bizi səhv yönəldəcək.
Yanılmamaq üçün biz Aİ-ni zənginləşdirməyin yolunu tapmalıyıq və onun əsasında
işləməliyik. Yoxsa Aİ-yə qarşı səlib yürüşünə başlamaq bizə fayda verməz.
Aqil Məmmədov, ekspert
