Sülhə daha böyük inamla qayıdıram - Paşinyan

Ermənistanın baş naziri Nikol Paşinyan Vaşinqtondan Ermənistana sülhə daha böyük inamla qayıtdığını yazıb.

News365.az xəbər verir ki, Paşinyan bunu sosial şəbəkə səhifəsində qeyd edib.

"Ermənistan üçün darıxıram. Sülhə daha böyük inamla qayıdıram", - baş nazir yazıb.

Nikol Paşinyan Sülh Şurasının ilk iclasında iştirak etmək üçün ABŞ prezidenti Donald Trampın dəvəti ilə 18 fevralda Vaşinqtona işgüzar səfərə getmişdi.

İclasdan əvvəl Paşinyan həmkarları ilə, o cümlədən Azərbaycan Prezidenti İlham Əliyevlə bir sıra görüşlər keçirib.