"Rusiya tərəfindən müsbət təsiri olmayan bəyanatlar səsləndirilir"- Siyasi şərhçi

"Qeyd etmək lazımdır ki, Tramp bu məsələlərə başlayanda danışıqlarda belə bir fikir səsləndirmişdi ki, əgər sülh danışıqları müharibənin dayandırılmasına gətirib çıxarmasa, həm Ukrayna, həm də Rusiya tərəfi Amerika tərəfindən müxtəlif tədbirlərlə üzləşəcək. Yəni, Ukrayna Amerikadan asılı olduğu üçün müəyyən mərhələdə ona qarşı təzyiqlər oldu."

Siyasi şərhçi Murad Sadəddinov bunu News365.az-a açıqlamasında deyib.

"Amma indiki mərhələdə görürük ki, Tramp vaxtilə bəyan etmişdi ki, əgər Rusiya sülh danışıqlarına getməsə, ona qarşı ciddi iqtisadi sanksiyalar tətbiq olunacaq. Hətta bildirmişdi ki, əgər Bayden administrasiyası Rusiyaya üç ballıq sanksiyalar tətbiq edibsə, biz bunu on ballıq səviyyəyə çatdıracağıq. Yəni, bu, kifayət qədər ciddi olacaq.

Son dövrlərdə isə görürük ki, danışıqlar prosesinə Rusiya tərəfindən müsbət təsir etməyən bəyanatlar səsləndirilir. Məsələn, “Ukraynanın legitim rəhbəri yoxdur” və ya “Ukraynada xarici idarəetmə tətbiq olunmalıdır” kimi fikirlər səsləndirilir. Bunların hamısı ümumi danışıqlar prosesinin gündəliyindən kənarda olan məsələlərdir."