Si Cinpin: Çin azad ticarəti dəstəkləyəcək

Çin azad ticarəti dəstəkləmək və Asiya-Sakit Okean İqtisadi Əməkdaşlıq (APEC) ölkələri ilə fasiləsiz təchizat zəncirlərini təmin etmək niyyətindədir. 

News365.az "Sinxua"ya istinadən xəbər verir ki, bu barədə APEC Liderlərinin 32-ci Görüşündə çıxış edərkən Çin prezidenti Si Cinpin bildirib.

O, Çinin Asiya-Sakit okean regionunun və dünyanın inkişafı üçün davamlı olaraq yeni imkanlar yaradacağını bildirib:

"Biz çoxtərəfli ticarət sistemini birgə qorumalı, əsl çoxtərəfliliyi həyata keçirməli, çoxtərəfli sistemin nüfuzunu və effektivliyini gücləndirməliyik. Ümumdünya Ticarət Təşkilatı əsas rol oynayır. Biz istehsal və təchizat zəncirlərinin sabitliyini və davamlılığını təmin etmək üçün birlikdə işləməliyik".