Rusiya Donetskdə daha 2 yaşayış məntəqəsini zəbt edib

Rusiya ordusu Ukrayna Silahlı Qüvvələrinin mövqelərinə təzyiq göstərməkdə və cəbhədə irəliləməkdə davam edir. Bu barədə DeepState məlumat yayıb. Saytın analitiklərinin məlumatına görə, ruslar Donetsk vilayətində iki yaşayış məntəqəsini - Katerinivka və Yuryevkanı işğal ediblər.

DeepState yazır ki, Rusiya hərbçiləri 9 yaşayış məntəqəsi yaxınlığında da irəliləyə bilib.

"Düşmən Katerinivka və Yuryevkanı işğal edib, həmçinin Novomlinsk, Stelmaxovka, Bolşaya Novoselka, Jeltoy, Zarya, Novodmitrovka, Voznesenka, İlyinka və Kuraxovo yaxınlığında irəliləyib", - məlumatda deyilir.

Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.

Tural