Quevo işğaldan azad olundu

Rusiya Silahlı Qüvvələrinin döyüşçüləri Kursk vilayətinin Quevo kəndini tutaraq regionu demək olar ki, Ukrayna ordusundan tamamilə azad ediblər. Bu barədə SHOT Telegram kanalı məlumat yayıb.

"Hərbi heyətimiz Sudjanski rayonundakı Quevonun bütün ərazisini tutub. Hazırda mülki əhalinin təxliyəsi ilə yanaşı, təmizləmə əməliyyatı da aparılır. 137-ci alayın, həmçinin 810, 155 və 2-ci briqadaların əsgərləri ərazidə işləyirlər", - məlumatda deyilir.

O da bildirilib ki, son 24 saat ərzində kənddə 40-a yaxın ukraynalı əsgər həlak olub: "İndi düşmən Nikolski Beloqorski Monastırının ərazisində möhkəmlənməyə çalışır. O da məlumdur ki, son 24 saat ərzində Ukrayna Silahlı Qüvvələri iki dəfə Kursk vilayətində enerji obyektlərinə qəsdən hücum ediblər. Ukrayna hərbçiləri mülki infrastrukturun atəşə tutulmasına qoyulan moratoriyanı pozmaqda davam edir".

Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçdi. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu 2024-cü ildə gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib. Kurskun işğalda qalmış əraziləri yenidən geri qaytarılıb.

Tural