Qazaxda bədbəxt hadisə: 14 yaşlı yeniyetmə çayda boğularaq öldü

Qazax rayonunun Çaylı kəndində faciəvi hadisə baş verib.

News365.az-ın əldə etdiyi məlumata görə, kənd ərazisindən keçən çayın ekskavatorla qazılmış dərin hissəsində 14 yaşlı yeniyetmə yıxılaraq boğulma təhlükəsi ilə üzləşib.

Ətrafdakıların köməkliyi ilə yeniyetmə sudan çıxarılarkən hələ sağ olub. Hadisə yerinə dərhal Təcili Tibbi Yardım briqadası çağırılıb. Lakin göstərilən səylərə baxmayaraq, vəziyyəti ağır olan uşaq xəstəxanaya aparılarkən yolda dünyasını dəyişib.

Faktla bağlı araşdırma aparılır. 

Xəbər yenilənəcək...