Qaraciyər hansı qidaları sevir? - SİYAHI

İnsanın bütün orqanları vacibdir. Amma bəzi orqanlar var ki, onların zədələnməsi və yaxud normal işləməsi insan üçün ciddi problem yaradır. Belə vacib orqanlardan biri də qaraciyərdir.

Bəs, qaraciyərin sağlamlığını necə dəstəkləmək və pəhrizə hansı qidaları daxil etmək lazımdır?

News365.az xəbər verir ki, bununla bağlı Rusiya Elmlər Akademiyasında araşdırmalar aparılıb. Məlum olub ki,  bütün orqanizmin vəziyyəti qaraciyərin sağlamlığından asılıdır. Qaraciyər qida maddələrini parçalayır, zülalların və amin turşularının, lipidlərin, karbohidratların, bioloji aktiv maddələrin (hormonlar, biogen aminlər və vitaminlər), mikroelementlərin metabolik proseslərini təmin edir. Steroid hormonları, bilirubini, dərman preparatlarını, spirti biokimyəvi yolla emal edir. Qaraciyər həmçinin qida, vitamin və mineralları saxlayır.

Qaraciyər hansı qidaları sevir?

Alimlərin sözlərinə görə, bəzi qidalar qaraciyərin sağlamlığı üçün xüsusilə faydalıdır. Bunlara daxildir: kələm, turp, kahı, ispanaq, arugula; yumurta; tumurcuqlar, cücərtilər, hər hansı bir yeni göyərti; çuğundur; sarımsaq; limon; yağlı balıq - qızılbalıq, siyənək, skumbriya və halibut.

News365.az