"Özbək "həkim"in əvəzinə bu şəxslər saxlanılsın"- Partiya sədrindən TƏKLİF
Xəbər verdiyimiz
kimi Bakıda “Bİ ES VİP” estetik klinikasında izdihama səbəb olan özbək “həkim”
polis əməkdaşları tərəfindən saxlanılıb.
Qeyd edək ki, klinikada xəstələri əl enerjisi ilə müalicə etdiyi deyilən özbək əsilli,
“Bionurun sahibi” kimi tanınan İqbol Soliyev adlı “həkim”in qəbulu keçirilib.
Ekstrasens olduğu deyilən şəxs seansı 60 manata bioenerji və ya enerji
terapiyası etdiyini bildirirmiş.
Təbii ki, bu
məsələ ictimai rezonansa səbəb olub.Və sosial şəbəkələrdə bu cahillik nümunəsinə
müxtəlif reaksiylara olub.
Ən maraqlı
reaksiyalardan biri də REAL Partiyasının sədri Natiq Cəfərli tərəfindən olub. O,
özünün sosial səhifəsində məsələyə belə münasibət bildirib:
“Xəbərlərdə
oxudum ki, Özbəkistandan gəlib burada "müalicə" ilə məşğul olan bir
"həkim" saxlanılıb. O, insanların üzünə, ağrıyan yerinə tüpürməklə,
arada şillə-təpik vurmaqla, bağırıb-çığırmaqla "müalicə" edirmiş.
Deyilənə görə yüzlərlə adam onun qəbuluna düşmək üçün hər gün növbəyə
düzülürmüş, hər xəstədən 60 manat alırmış.
Belə baxanda
tək onu niyə saxlayıblar ki?! Onun yanına gedənləri, gedənlərin oxudiğu məktəbin
direkturunu, Misir Mərdanovu, indiki naziri, TV lərdə insanların beyinlərini
yuyanları - hamısını 60 manat cərimə etmək lazımdır.
Üzünə tüpürəndə
sağalacağına inananlar varmış, nə bilim vallah...”
News365.az
