Öd kisəsi xərçəngi 90-cı illərdən bəri iki dəfə artıb -"DailyMail"

Hazırda 90-cı illərlə müqayisədə gənclər iki dəfə çox öd kisəsi xərçəngindən əziyyət çəkirlər. Xəstəliyin artmasının səbəbləri ətraf mühitin çirklənməsi, pis vərdişlər və gərgin həyat tərzi ola bilər. Gazeta-nın yaydığı məlumata görə, bu barədə Daily Mail-ə məşhur britaniyalı onkoloq və Ümumdünya Səhiyyə Təşkilatının xərçənglə mübarizə proqramının keçmiş rəhbəri Kerol Sikora məlumat verib.

Son vaxtlara qədər, öd kisəsi xərçəngi nadir bir xəstəlik hesab olunurdu. Lakin Böyük Britaniyanın Cancer Research-ünün araşdırmalarına görə, son onilliklərdə onun yayılması əhəmiyyətli dərəcədə artmışdır.

Sikoranın sözlərinə görə, xəstəlik getdikcə daha çox gəncləri - 50 yaş və daha kiçik xəstələri əhatə edir: "Mümkün səbəb müasir həyat tərzində dəyişikliklərdir".

Onkoloq vurğulayıb ki, ətraf mühitin çirklənməsi, spirt istehlakı, qeyri-sağlam qidalanma və getdikcə stresli həyat tərzinin artması həzm mikrobiomuna dolayı yolla mənfi təsir göstərir. Bu da öz növbəsində xərçəngin inkişaf riskinə təsir edə bilər.

Tural