"New York Times" ABŞ-li əsgərlərin ölüm səbəblərini araşdırıb

Litvada itkin düşmüş amerikalı 4 əsgər avtomobili bataqlıqdan çıxarmağa çalışan zaman həlak olub. Bu barədə New York Times (NYT) öz mənbələrinə istinadən məlumat yayıb.

Qeyd olunub ki, hərbçilərdən ordunun maşınını bataqlıqdan çıxarmaq istənilib: "Amma ola bilsin ki, əsgərlər sadəcə hərəkətdə olan zaman yoldan çıxaraq dərin bataqlığa düşüblər və avtomobilin içərisində sıxışıb qalıblar".

Qəzet yazıb ki, hazırda ABŞ ordusu faciənin səbəblərini araşdırır. 

Bundan əvvəl Ağ Ev Litvada amerikalı əsgərlərin Litvada ölməsini təsdiqləmişdi. Ağ Evin sözçüsü Karoline Levitt deyib ki, bu ölüm hadisəsi Amerika əsgərlərinin necə fədakarlıq etdiklərini və “Birləşmiş Ştatların təhlükəsizliyini qorumaq üçün bütün dünyada həyatlarını riskə atdıqlarını” xatırladır.

Tural