İtaliya hökuməti dağılma riski altındadır - "Politico"

İtaliyanın baş naziri Giorgio Meloninin hökuməti Ukraynaya qoşun yeritməklə bağlı davam edən fikir ayrılıqlarına görə dağılma riski ilə üzləşib. Bu fikirlər “Politico”da dərc olunan məqalədəndir.

Məqalə müəlliflərinin hökumətin dağılması ehtimalına dair göstərdiyi səbəblərdən biri iki partiya – “Liqa” və “İrəli, İtaliya!” partiyaları arasında Ukrayna məsələsi ilə bağlı mübahisələrin olmasıdır. Onların hər ikisi hakim koalisiyanın bir hissəsi sayılır. Birinci partiyanın lideri Matteo Salvini Avropa İttifaqı qoşunlarının Ukraynaya göndərilməsinin əleyhinədir. İkinci partiyanın lideri Antonio Tajani isə əksinə, Avropa İttifaqının təşəbbüslərinin dəstəklənməsinin tərəfdarıdır.

Qəzet yazır: "Meloninin hökuməti İtaliya standartlarına görə qeyri-adi dərəcədə sabit olsa da, o, Salvini ilə Aİ yönümlü Tajani arasında sparrinqə məruz qalır".

Məqalə müəllifləri qeyd edirlər ki, hökumətdəki qeyri-sabitliyə görə Meloni xarici siyasət ritorikasını tənzimləməlidir.

Tural