Məşhur bəstəboy aktrisa 89 yaşında vəfat etdi

“The Addams Family” filmindəki rolu ilə məşhurlaşan amerikalı fiziki qüsurlu aktrisa Patti Meloney 89 yaşında vəfat edib.Bu barədə “Hollywood Reporter” jurnalı məlumat yayıb.

Meloneyin ölümü ilə bağlı nəşrə sənətçinin qardaşı məlumat verib. Onun sözlərinə görə, Patti bir neçə dəfə insult keçirib və martın 31-də Florida ştatındakı bir hospisdə dünyasını dəyişib.

"O, böyük bir dünyada kiçik bir insan kimi böyüsə də, istədiyi hər şeyi etdi", - aktrisanın qardaşı deyib. 

Aktrisanın boyu təxminən 120 santimetr olub. O. "Addams Ailəsi"ndə (1991)  ekssentrik ailənin qohumlarından biri olan Sloşun həyat yoldaşı rolunu oynayıb. Onu Qomez və Festerin “Mamuşka” rəqsini ifa etdiyi səhnədə də görmək olar.

Maloney həmçinin "Ulduz müharibələri" filmində Çubakki rolunu oynayıb. Onun rol üçün geyindiyi kostyum insan saçından tikilib.

Tural