Lamborghini 2025-ci ildə satış rekordunu qırdı - 10 747 avtomobil

İtaliyanın məşhur idman avtomobil istehsalçısı Lamborghini 2025-ci ildə satış rekordunu qırıb. Şirkət dünya üzrə 10 747 avtomobil satdığını açıqlayıb ki, bu, bütün zamanların ən yüksək nəticəsidir.

News365.az-ın xarici KİV-ə istinadla verdiyi xəbərə görə, rekord göstərici şirkətin yüksək performanslı modellərini hibrid texnologiyaya keçirməsi və bütün regionlarda güclü satış performansı sayəsində mümkün olub.

Regionlar üzrə satışlara baxıldıqda, EMEA (Avropa, Yaxın Şərq və Afrika) lider olub – 4 650 avtomobil satılıb. Amerika qitəsi 3 347, Asiya–Sakit Okean regionu isə 2 750 avtomobillə ikinci və üçüncü yerləri tutub.

Lamborghini-nin baş direktoru Stefan Vinkelmann vurğulayıb ki, bu uğur şirkətin qlobal bazarda rəqabət üstünlüyünü qoruduğunu göstərir və markanın mürəkkəb iqtisadi şəraitdə də müvəffəqiyyətli olduğunu təsdiqləyir.

News365.az