İsrail "Hizbullah"ın hərbi obyektlərini bombaladı
Dünya
08 Mar 2025 15:52
Kəşfiyyat məlumatlarına görə Livanın cənubunda raket qurğuları və silahlarının yerləşdiyi "Hizbullah" hərəkatının hərbi obyektlərinə zərbələr endirilib.
News365.az xəbər verir ki, bu barədə İsrail Müdafiə Qüvvələrinin mətbuat xidməti məlumat yayıb.
"Bir müddət əvvəl qüvvələrimiz mövcud kəşfiyyat məlumatlarına əsaslanaraq Livanın cənubunda "Hizbullah" terror təşkilatına məxsus hərbi obyektlərə zərbələr endirib, onların silahları və raket buraxılış qurğuları aşkar edilib", - deyə məlumatda bildirilir.
İsrail tərəfi Livanın cənubunda belə obyektlərin olmasının ölkənin təhlükəsizliyinə təhdid olduğunu və beynəlxalq sülh sazişlərinin pozulması olduğunu bəyan edib.
