İranda Suruş Sutude oğrular tərəfindən qətlə yetirilib

İranda məşhur idmançı oğruların qurbanı olub.

News365.az  "Azad İran" telegram kanalına istinadla xəbər verir ki, fitnes və bodibildinq üzrə peşəkar məşqçi Suruş Sutude zorakılıqla həyata keçirilən telefon oğurluğu zamanı qətlə yetirilib. 

Polisin məlumatına görə, idmançının mobil telefonunu oğurlamaq istəyən iki motosikletçi ona hücum edib.

Məşqçi oğurluq zamanı telefonunu geri almağa çalışarkən, qarşı tərəf onun boyun və çiyin nahiyəsinə üç bıçaq zərbəsi endirib. Nəticədə gənc aldığı xəsarətlərdən dünyasını dəyişib.

Polis cinayəti törədən şəxslərin tapılması istiqamətində araşdırma aparır.