Hərislik hansı faciələrə səbəb olur? - TƏHLİL

“Alman sosial-psixoloqu Erich Frommun “To Have or To Be” kitabında insanın var-dövlətə olan hərisliyini və daim daha çox sərvət əldə etmə arzusunu, "kimlik boşluğu" və "mövcudiyyət boşluğu" kimi psixoloji problemlərlə əlaqələndirir. O, belə hesab edir ki, bu insanlar həyatda öz məqsədlərini və mənalarını tapmaqda çətinlik çəkirlər və bunun əvəzinə daha çox şeyə sahib olmaqla özlərini təsdiqləməyə çalışırlar”.

News365.az xəbər verir ki, bunu iqtisadçı ekspert Eldəniz Əmirov deyib. O bildirib ki, bu psixoloji problem artıq o qədər qloballaşıb ki, onun əziyyətini məhdud məkanlarda yaşayanlar, hansısa qruplar yox, artıq bütün dünya çəkir:

“Xalqları yurd-yuvasından salan müharibələrin, yüz minlərlə uşaq ölümlərinin, bitib-tükənməyən fəlakətlərin kökündə məhz Eric Frommun toxunduğu bu problem dayanır. Suriyadan yazacaqdım. Buna görə Erich Frommun fikirlərinə toxundum. Suriya müharibə başlamazdan əvvəl – 60 milyard dollarlıq ÜDM-ə sahib idi. 2022-ci ildə isə 5 dəfə azalaraq, 12,4 milyard dollara düşdür. Bu gün orada dam başına düşən ÜDM 600 dollara enib. Müharibədən əvvəl isə 3000 dollar idi. Halbuki, bu gün ABŞ-ın özündə adambaşına ÜDM 90 000 dollara çatır. Süriyada müharibədən əvvəl işsizlik 8% idi, bu gün 70-80%-dir.

Hələ uşaq ölümləri, yaşanan ailə faciələri və dəhşətləri demirəm. Bütün faciələrin kökündə insan psixologiyanın dərinliyində gizlənən iyrənc hərislik dayanır. O böyüdükcə faciələr də artır”.

News365.az