Həftədə 10 saatdan çox video oyun oynamağın FƏSADLARI

Məlumdur ki, video oyunlar universitet tələbələri arasında geniş yayılıb. Lakin oyunların  sağlamlığa mənfi təsiri barədə hələ də az danışılır.

Yeni bir araşdırmada, Curtin Universitetinin Avstraliyalı tədqiqatçıları yerli universitet tələbələrində video oyun tezliyi ilə sağlamlıq göstəriciləri arasındakı əlaqəni təhlil ediblər.

317 iştirakçı üç qrupa bölünüb: yüngül oyunçular (həftədə 0-5 saat), orta səviyyəli oyunçular (5-10 saat) və ağır oyunçular (10 saatdan çox). Nəticələr göstərib ki, həftədə 10 saatdan az oynayanların sağlamlıq nəticələrində demək olar ki, heç bir fərq yoxdur. Lakin, bu həddi aşan sağlamlıq göstəriciləri kəskin şəkildə pisləşir. Ağır oyunçuların qidalanması daha pisdir, piylənmə ehtimalı daha yüksəkdir və orta bədən kütlə indeksi 26,3 olub. Ağır olmayan oyunçular üçün isə bu göstərici  22-23-dür.

Oyun vaxtının artması ilə yuxu keyfiyyəti də pisləşib. Tədqiqatçılar problemin oyunların özündə deyil, həddindən artıq oyun oynamaqda olduğunu vurğulayıblar ki, bu da sağlam vərdişləri- kifayət qədər yuxu, balanslı qidalanma və fiziki fəaliyyətin yerini alır.

News365.az