3700 illik bu sirr hələ də açılmayıb

Yunanıstanın Girit adasında yerləşən Phaistos Palace ərazisində 1908-ci ildə italyan arxeoloq Luigi Pernier tərəfindən tapılan “Phaistos diski” hələ də tam deşifrə olunmayıb.

News365.az xəbər verir ki, təxminən 15 sm diametrə malik gil disk üzərində spiral şəkildə yerləşdirilmiş 45 fərqli işarənin ümumilikdə 241 nümunəsi var. 

İşarələr yumşaq gil üzərinə möhürlə basılıb və sonradan bişirilib.

Məlumata görə, alimlər bu simvolların yazı sistemi olub-olmadığı barədə yekdil nəticəyə gəlməsələr də, onların hecalı, əlifba və ya loqoqrafik sistem ola biləcəyi ehtimal edilir. 

Disk üzərində uşaq, qadın, tac, ox-yay, balta, zanbaq, göyərçin və pişik kimi simvollar da təsvir olunub.