Ermənistanla sərhəd həmişəlik açılmayıb - Türkiyə
"Ermənistanla sərhəd həmişəlik açılmayıb".
Bu barədə News365.az-a Türkiyədəki diplomatik mənbədən bildirilib.
Məlumata görə, Ermənistan-Türkiyə sərhədindəki "Marqara" sərhəd qapısı Suriyaya humanitar yardım göndərmək üçün acılib. Sərhəd martın 21-dən 31-dək açıq olacaq:
"Bir müddət əvvəl Ermənistan rəsmiləri Əlixan/Marqara sərhəd qapısından istifadə edərək Türkiyə vasitəsilə Suriyaya humanitar yardım göstərmək istədiklərini Türkiyəyə catdırıblar.
Qeyd olunub ki, bu müraciət Türkiyə tərəfindən müsbət qarşılanıb.
"Nəticədə 21 mart 2025-ci ildə Ermənistana məxsus 4 TIR-dan ibarət humanitar yardım Əlican/Marqara sərhəd qapısından keçərək Türkiyə (Hatay/Cilvegozu sərhəd qapısı) vasitəsilə Suriyaya humanitar yardım çatdırılıb. Yük maşınları eyni marşrutla Ermənistana qayıdacaq".
Məlumatda xatırladılır ki, 2023-cü il fevralın 6-da Türkiyədə baş vermiş zəlzələ fəlakətindən sonra Ermənistanın Türkiyəyə göndərdiyi humanitar yardımın zəlzələ bölgəsinə daşınması məqsədilə Əlican Sərhəd Qapısından istifadə edilib.
