Oktyabrın 4-də Ermənistanın iqtisadiyyat naziri Gevorq
Papoyan Böyük Britaniyanın Ermənistandakı fövqəladə və səlahiyyətli səfiri Con
Qallageri, Şərqi Avropa və Mərkəzi Asiya üzrə baş konsul Kenan Poleonu qəbul
edib.
News365.az "Armenpress"ə istinadən xəbər
verir ki, görüşdə turizm, xidmət, ticarət, infrastrukturun inkişafı,
investisiyaların cəlb edilməsi və işgüzar dairələr arasında birbaşa əlaqələrin
inkişaf etdirilməsi imkanları müzakirə edilib.
Erməni nazir görüş zamanı vurğulayıb ki, Ermənistan
investorlar üçün çoxlu imkanlar təklif edir.
İnvestisiya imkanları və davamlı iqtisadi inkişaf kontekstində
Gevorq Papoyan həmsöhbətinə Ermənistan hökuməti tərəfindən hazırlanmış
"Dünyanın kəsişməsi" layihəsinin təfərrüatlarını təqdim edib.
Görüş zamanı iki ölkə arasında iqtisadi əlaqələrin inkişafı
ilə bağlı məsələlər müzakirə olunub.