Dünyanın unutduğu faciələr yenidən xatırlandı

Böyük mehmanxana yanğınları müasir otel idarəçiliyi tarixində ağrılı reallıq kimi qeyd olunur. 19-cu əsrdən bəri baş verən hadisələr yanğın təhlükəsizliyi standartlarının formalaşmasına yol açdı. Bununla belə, təkmilləşdirilmiş təhlükəsizlik tədbirləri ilə dünya indi fəlakətli otel yanğınlarını geridə qoyub. Artıq 30 ilə yaxındır ki, dünyada heç bir böyük otel yanğını baş verməyib. Grand Kartal otelinin dünya mediasında belə böyük yer tutmasında unudulmuş bir fəlakətin xatırlanmasının da rolu olub.

Dünyada baş verən böyük mehmanxana yanğınları çox vaxt faciəvi nəticələrə gətirib çıxaran, həm insan tələfatı, həm də maddi ziyanla nəticələnən hadisələrdir. Lakin dünya 20-ci əsrdə həyata keçirilən silsilə tədbirlərlə “böyük otel yanğınları” dövrünü geridə qoydu. “Grand Kartal” otelindəki yanğın bədəlini insan həyatı ilə ödəyən səhlənkarlıq zənciri ilə dünyanın gündəminə düşdü.

Dünyanın ən böyük otel yanğınlarından bəziləri:

1. MGM Grand Hotel Fire (Las-Veqas, ABŞ – 1980)

Ölüm: 85

MGM Grand Hoteldə baş verən yanğın ABŞ tarixində ən ölümcül otel yanğınlarından biri kimi qeydə alınıb. Restoranın mətbəxində başlayan yanğın sürətlə böyüyüb. Yanğın zamanı çoxlu insan tüstüdən boğularaq ölüb. Hadisədən sonra otelin təhlükəsizlik sistemlərində ciddi dəyişikliklərin edilməsi qərara alınıb

2. Winecoff Hotel Fire (Atlanta, ABŞ – 1946)

Ölüm: 119

Amerikanın ən ölümcül mehmanxana yanğını kimi tanınan Winecoff yanğını binada yanğın nərdivanı olmadığı üçün böyük itkilərə səbəb olub. Bir çox insan tüstüdən və alovdan xilas ola bilməyib. Bu hadisə yanğın təhlükəsizliyi standartlarının yenidən təşkilinə səbəb oldu

3. Dupont Plaza Hotel Fire (Puerto Riko – 1986)

Ölüm: 97

Oteldə işçilərin tətili zamanı başladığı düşünülən bu yanğın faciəvi hadisə kimi tarixə düşüb. Yanğın sürətlə böyüyüb və oteldəki çoxlu sayda insan tüstüdən ölüb.

4. Westgate Hotel Fire (Seul, Cənubi Koreya – 1971)

Ölüm: 162

Cənubi Koreyanın paytaxtı Seuldakı Westgate otelində baş verən yanğın ölkə tarixinin ən ölümcül yanğınlarından biri kimi tanınır. Yanğın zamanı oteldə təhlükəsizlik tədbirlərinin qeyri-kafi olması diqqət çəkib.

5. Weierkang Hotel Fire (Taypey, Tayvan – 1995)

Ölüm: 64

Tayvanın paytaxtı Taypeydə bir oteldə baş verən yanğında otelin yanğın təhlükəsizliyi protokollarının qeyri-kafi olduğu üzə çıxıb. Bu yanğın otel təhlükəsizliyi ilə bağlı qanunların sərtləşdirilməsinə səbəb olub.

Otel Yanğınlarının Ümumi Səbəbləri

Yanğın Təhlükəsizliyi Çatışmazlıqları: Otel yanğınlarının əksəriyyətində qeyri-adekvat təhlükəsizlik protokolları ön plana çıxır.

Elektrik nasazlıqları: Elektrik sistemlərindəki nasazlıqlar böyük yanğınlara səbəb ola bilər.

İnsan Səhvləri: Diqqətsizlik və təxribat yanğınların əsas səbəblərindəndir.

Yanğınsöndürmə sistemlərinin olmaması: Otel rəhbərliyinin yanğınsöndürmə sistemlərinə etinasız yanaşması yanğın zamanı itkiləri artırır.