COVİD-19 insanlarda beyin yaşlanmasını sürətləndirib

Bir çox insanlar COVID-19 pandemiyasından sonra diqqəti cəmləşdirməyin çətinləşdiyini, yaddaşlarının pisləşdiyini və ya təfəkkür sürətinin yavaşladığını fərq edib. Alimlər belə qənaətə gəliblər ki, buna təkcə virusun özü deyil, həm də epidemiya ilə bağlı vəziyyət də təsir göstərə bilər. Onların fikrincə, pandemiyanın yaratdığı stresli vəziyyətin özü beynin qocalma prosesini sürətləndirə bilər.

News365.az xəbər verir ki, alimlər Böyük Britaniyanın Biobank layihəsi çərçivəsində pandemiyadan əvvəl və sonra çəkilmiş minə yaxın sağlam yetkin şəxsin MRT müayinəsini təhlil ediblər. Maşın öyrənmə üsullarından istifadə edərək, beyin yaşını, yəni beyin strukturunun insanın xronoloji yaşına nə qədər uyğun olduğunu təxmin etdilər.

Məlum olub ki, pandemiyadan sonra skan edilən iştirakçıların beyinləri ondan əvvəl şəkilləri çəkilənlərə nisbətən “yaşlı” görünür. Xüsusilə nəzərəçarpacaq dəyişikliklər yaşlılarda, kişilərdə və sosial cəhətdən əlverişsiz qruplardan olan insanlarda müşahidə edilmişdir. Bu o deməkdir ki, təcrid, qeyri-müəyyənlik və sosial stress beyinə infeksiyanın özü qədər təsir göstərə bilər.

Eyni zamanda, düşüncə çevikliyi və məlumatların işlənməsi sürəti kimi koqnitiv funksiyaların azalması əsasən COVID-19-dan sağalmış şəxslərdə müşahidə olunub. Tədqiqatçılar vurğulayırlar ki, müəyyən edilmiş dəyişikliklər geri qaytarıla bilər və bu, bərpa üçün ümid verir.

News365.az