Bakıda Dənizkənarı bulvar ərazisində gənc qız zorakılığa məruz qalıb.
News365.az xəbər verir ki, bu barədə sosial şəbəkələrdə videomüraciət yayılıb.
Müraciəti paylaşan xanım bildirib ki, bulvar ərazisində video çəkən zaman naməlum şəxs ona qarşı zorakılıq etməyə cəhd göstərib.
Daxil olan məlumat əsasında bulvar ərazisində qeyd edilən əməli törətməkdə şübhəli bilinən 47 yaşlı Şamxal Nəcəfov polis əməkdaşları tərəfindən saxlanılıb.
Onun üzərindən 3 ədəd soyuq silah hesab edilən kəsici-deşici alət aşkarlanıb.
Həmin şəxs barəsində məsuliyyət tədbirləri görülür.
