Büdcə xərclərinin ixtisarı iqtisadi aktivliyi tamamilə öldürər- TƏHLİL

“Bəziləri deyir ki, Amerikanın sərt büdcə ixtisarlarına dair strategiyası Azərbaycanda da inflyasiyanın idarə olunması və iqtisadiyyatın sabitləşdirilməsi üçün nəzərdən keçirilə bilər”.

Bunu News365.az –a açıqlamasında iqtisadçı ekspert Eldəniz Əmirov deyib. O bir mənalı olaraq bildiririb ki, bu yanaşma kökündən yanlışdır. ABŞ-da 1 oktyabr - 30 sentyabra qədər davam edən bir maliyyə ilində federal büdcə xərcləri təxminən 7 trilyon dollara yaxın olub. Azərbaycanda isə büdcə xərcləri təxminən 25 milyard dollar həcmindədir. Bu, müqayisə olunmaz bir səviyyədir.

Və ən əsası: Azərbaycanda dövlət xərcləri iqtisadi aktivliyin əsas drayverlərindən biridir. Buna görə də büdcə xərclərinin ixtisarı iqtisadi aktivliyi tamamilə öldürər.

Odur ki, diqqət xərclərin azaldılmasına deyil, səmərəliliyin artırılmasına ayrılmalıdır. Büdcə şəffaflığı artırılmalıdır, satınalma prosesləri tam şəffaf olmalıdır. Dövlət investisiyalarının effektivliyi artırılmalıdır. Biz məhz bu istiqamətlərdə islahatlara getməliyik.

Yeri gəlmişkən, bu baxımdan maliyyə naziri postuna yeni təyinatın ölkə çapında xərclərə nəzarət səviyyəsinin yüksəlməsinə müsbət təsir edəcəyini gözləmək olar”.

News365.az