Bir neçə ştatda referendum hazırlığı başladı- ABŞ parçalanır?
ABŞ və Kanadanın bir neçə ştatında separatizm sürətlə genişlənir.
Bu, "New York Times" qəzetinin hazırladığı geniş materialda əksini tapıb.
Bildirilir ki, Vaşinqtonun Sietl şəhərində yerləşən "Cascadia Democratic Action" təşkilatı, federal hökumətlə münasibətlər o vaxta qədər yaxşılaşmadığı təqdirdə, Vaşinqton və Oreqonda müstəqil Cascadia dövlətini yaratmaq və 2028-ci ildə ABŞ-dan ayrılmaq üçün referendumlar hazırlayır. Cascadia Demokratik Fəaliyyətinin lideri Endryu Engelson nəşrə bildirib ki, Donald Trampın ikinci müddətində ölkə əhalisi "federal hökumətlə zorakı münasibətdədir" və "boşanma düzgün çıxış yoludur".
"The New York Times" əlavə edir ki, Texas və Kaliforniyadakı fəallar da müstəqillik uğrunda fəal mübarizə aparırlar. Qəzet həmçinin qeyd edir ki, Alberta sakinləri oktyabr ayında Kanadadan ayrılmaq üçün səs verəcəklər.
