Bakıda yanğın həyəcanı – Sakinlər təxliyə edildi

Bakıda mənzildə yanğın baş verib, 2 nəfər bina sakini təxliyə edilib.   

Bu barədə News365.az-a FHN-in mətbuat xidmətindən məlumat verilib. 

Bildirilib ki, Yasamal rayonunda çoxmərtəbəli yaşayış binasının 14-cü mərtəbəsində ümumi sahəsi 75 m² olan 2 otaqlı mənzilin mətbəxində 1 ədəd paltaryuyan maşın və 1 paq.m mebel yanıb. 

Yanğın zamanı yanğınsöndürənlər tərəfindən 2 nəfər bina sakini təhlükəsiz əraziyə təxliyə olunub. Mənzilin qalan hissəsi yanğından mühafizə olunub. 

Yanğın yanğından mühafizə bölmələri tərəfindən söndürülüb.