Bakıda qeyri-sabit və küləkli hava şəraiti fəsadlara səbəb olub. Suraxanı rayonu, Malik Mustafayev küçəsində aşan ağac qaz borusunun üzərinə düşüb.

Nəticədə qaz borusu da aşıb, yaxınlıqda park edilmiş avtomobilə ciddi ziyan dəyib. Hadisə şahidinin sözlərinə görə, avtomobil cəmi iki həftə əvvəl alınıb. Ağacın aşması nəticəsində maşın yararsız vəziyyətə düşüb.