Alimlər Yer kürəsinin həyati sərhədləri ilə bağlı xəbərdarlıq ediblər

Alimlərin yeni hesabatına görə, Yer kürəsində həyatın davamlılığını təmin edən doqquz əsas ekoloji sərhəddən yeddisi artıq təhlükəsiz hədləri keçib.

News365.az xəbər verir ki, 60 alimin iştirak etdiyi araşdırmada iqlim dəyişikliyi, biomüxtəlifliyin azalması və okeanların turşulaşması kimi problemlər qiymətləndirilib.

Tədqiqatçılar bildirirlər ki, bu sərhədlərin aşılması təbiətdə geri qaytarılması çətin olan dəyişikliklərin baş verməsi riskini artırır.

Meşələr və okeanlar Yer kürəsinin iqliminin tənzimlənməsində mühüm rol oynayır. Lakin onların zəifləməsi qida istehsalına, su ehtiyatlarına və insanların yaşayış şəraitinə təsir göstərə bilər.

Hesabatda yalnız atmosferdə ozon qatının zədələnməsi və aerozollarla bağlı göstəricilərdə müəyyən yaxşılaşma qeydə alınıb.

Alimlər təbii sistemlərin qorunması üçün qlobal səviyyədə tədbirlərin sürətləndirilməsinin vacibliyini vurğulayırlar.