42 həkimin plastik cərrah kimi fəaliyyətinə İCAZƏ VERİLDİ
Azərbaycanda 42 həkimin plastik cərrah kimi fəaliyyətinə
icazə verilib.
News365.az xəbər verir ki, bu barədə Azərbaycan
Respublikası Səhiyyə Nazirliyi məlumat yayıb.
Azərbaycan ərazisində praktik tibb fəaliyyəti ilə məşğul
olan plastik cərrahların peşə fəaliyyətinin qanuni əsaslarının kompleks şəkildə
yoxlanılması məqsədilə Səhiyyə Nazirliyi, Baş Prokurorluğu, Daxili İşlər
Nazirliyi, Elm və Təhsil Nazirliyinin səlahiyyətli nümayəndələrindən ibarət
Xüsusi Təftiş Komissiyası yaradılıb.
Sözügedən tibb mütəxəssisləri Xüsusi Təftiş
Komissiyasının iclaslarına dəvət olunub və sənədləri ətraflı araşdırılıb. Əvvəlcədən
xəbərdarlıq edilməklə iclasların video-audio çəkilişləri aparılıb və hər bir
iclas protokollaşdırılıb.
Komissiyanın ümumilikdə 11 iclası keçirilib.
