Zelenski Radanın keçmiş spikerinin öldürüldüyünü təsdiqlədi

Ukrayna Prezidenti Volodimir Zelenski Ukrayna Ali Radasının keçmiş spikeri Andriy Parubinin Lvovda güllələndiyini təsdiqləyib.

News365.az xəbər verir ki, bu barədə o, teleqram kanalında məlumat yayıb.

"Ukraynanın daxili işlər naziri İqor Klimenko və baş prokuror Ruslan Kravçenko indicə Lvovdakı dəhşətli qətlin ilk məlum halları barədə məlumat verdilər. Andriy Parubiy ölüb", - Zelenski qeyd edib.

Bundan əvvəl Ukrayna mətbuatı Andrey Parubiyin Lvovda güllələndiyi barədə məlumat yaymışdı.

Qeyd edək ki, Andriy Parubiy 2016-cı il aprelin 14-dən 2019-cu il avqustun 29-dək Ali Radanın sədri olub. O, 2014-cü il dövlət çevrilişində fəal iştirak edib və 2018-ci il noyabrın 1-də Rusiyanın sanksiya siyahısına daxil edilmişdi.