Minaya düşən ANAMA əməkdaşının ayağı amputasiya edildi - YENİLƏNDİ

Xocalı rayonunun Daşkənd kəndi ərazisində baş verən mina hadisəsi nəticəsində xəsarət alan Azərbaycan Respublikasının Minatəmizləmə Agentliyindən (ANAMA) əməkdaşının sol aşıq baldır oynağı nahiyəsi amputasiya edilib.

News365.az xəbər verir ki, bu barədə "Report" TƏBİB-dən məlumat verilib.

Qeyd olunub ki, 1990-cı il təvəllüdlü kişi Xankəndi Şəhər Mərkəzi Xəstəxanasından daha ixtisaslı tibbi xidmət almaq üçün Bərdə Rayon Mərkəzi Xəstəxanasının Təcili tibbi yardım şöbəsinə təxliyə olunub.

Hazırda əməliyyat icra olunur.

***

Xocalı rayonunda Azərbaycan Minatəmizləmə Agentliyinin (ANAMA) əməkdaşı minaya düşüb.

News365.az xəbər verir ki, hadisə rayonun Daşkənd kəndi ərazisində minatəmizləmə işləri apararkən baş verib.

Hadisə nəticəsində xəsarət alan ANAMA əməkdaşı Anar Həsənov Xankəndi şəhər xəstəxanasına yerləşdirilib.

Faktla bağlı araşdırma aparılır.