XİN Ermənistanı minalarla bağlı dəqiq məlumat verməyə çağırıb
Siyasət
04 Apr 2025 21:55
Biz bir daha Ermənistan tərəfini beynəlxalq insan hüquqları və humanitar hüquq çərçivəsində üzərinə götürdüyü öhdəliklərə əməl etməyə və işğal zamanı Azərbaycan ərazisinə kütləvi şəkildə yerləşdirilən minalarla bağlı dəqiq məlumat verməyə çağırırıq.
Bu fikir, Azərbaycanın Xarici İşlər Nazirliyinin (XİN) “X”dəki paylaşımında yer alıb.
Paylaşımda qeyd olunur ki, bu gün, Beynəlxalq Mina Maarifləndirilməsi və Minalardan Təmizlənməsinə Yardım Günündə qəbul edilən qətnamə dünya miqyasında milyonlarla mina qurbanının pozulmuş hüquqlarının tanınması və bərpası yolu ilə qlobal minalarla mübarizəyə tarixi yeni səviyyəyə çatmaq üçün yol açır.
