Rusiya Kurskda 32 yaşayış məntəqəsini azad edib

Rusiya hərbçiləri 2024-cü il avqustun 6-dan Kursk vilayətində 32 yaşayış məntəqəsini azad edib.  Bu, barədə Rusiya mediası Müdafiə Nazirliyinə istinadən məlumat yayıb.  

"Təkcə martın 8-9-da "Sever" qoşun qrupuna aid bölmələrin fəaliyyəti nəticəsində yeddi yaşayış məntəqəsi azad edilib. Bunlar Malaya Loknya, Çerkasskoye Poreçnoye və Kositsa, Lebedevka, Viktorovka, Nikolaevka və Staraya Soroçinadır",-TASS yazıb.

Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Ukrayna ordusu ötən il gözlənilmədən Rusiyanın Kursk vilayətinə girdi. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.

Tural