Pezeşkian Antarktidada dincələn köməkçisini işdən çıxardı
Dünya
05 Apr 2025 15:44
İran Prezidenti Məsud Pezeşkian parlament məsələləri üzrə köməkçisi Şəhram Dəbirini işdən çıxarıb.
News365.az xarici KİV-ə istinadən xəbər verir ki, Pezeşkian bu barədə sərəncam imzalayıb.
Məlumata görə, Dəbiri Novruz tətilini Antarktidada lüks şəraitdə keçirib.
"Möminlərdən nümunə götürməklə fəxr edən bir hökumətdə, xalqa qarşı iqtisadi təzyiqlərin yüksək və məhrumiyyətlərin çox olduğu bir şəraitdə məmurların, hətta şəxsi hesablarına belə bahalı istirahət səfərlərinə getməsi müdafiə oluna və əsaslandırıla bilməz", - Pezeşkian bildirib.
Qeyd edək ki, daha öncə Ş.Dəbirinin Antarktidaya səfəri ilə bağlı məlumat və görüntülərin paylaşılması vətəndaşların kəskin etirazına səbəb olub.
