Havalar soyuduqca insanlar arasında xəstəliklərin sayı da
çoxalır. Və demək olar ki, rastımıza çıxan hər 3 adamdan biri qrip olur. Qripin
kütləvi yayılma imkanı olan məkanlardan biri də məktəblərdir. Məktəblərdəki
sıxlıq, həm də uşaqlarda özünənəzarətin olmaması bu təhlükəni xeyli artırır
Bəs, payız günlərində özümüzü bu qriplərdən necə qoruyaq?
Suala tanınmış həkim Vaqif
Qarayev aydınlıq gətirdi. News365.az –a
açıqlamasında o bildirdi ki, mövsümi viruslar indiki havanı, insan sıxlığı olan
yerləri "sevir":
“Son vaxtlar qızdırma ilə müşaiyət olunan xəstəlikləri təkcə
məktəblə bağlamaq düzgün olmazdı. Amma bu faktdır ki, məktəb başlayandan xəstə
uşaqların sayı artıb. Viruslardan
qorunma yolları haqqında illərdi hər gün deyilir. Bir məsələni yenə vurğulayaq-
xəstə uşaqlar məktəbə getməməlidir. Hər
sinifdə 30-35 uşağın olması da bir başqa problemdir. Onsuz da belə şəraitdə
oxumaq mümkünsüzdür. Amma virusa tez yoluxacaqlar. Bu arada ölkədə qripə qarşı
vaksinasiya başlayıb”.
News365.az