“Azərbaycan öz ərazilərini
Ermənistan işğalından azad etdikdən sonra regionda kommunikasiyaların açılması əsas
müzakirə predmetinə çevrilib. 2020-ci il 10 Noyabr tarixində yayımlanan birgə bəyanatda
Azərbaycanın Qərb rayonları ilə Naxçıvanı birləşdirəcək Zəngəzur dəhlizinin
açılması məsələsi öz ifadəsini tapıb. Təəssüf ki, Ermənistan kənardan gələn məlumatlar
əsasında bu dəhlizin açılmasını əngəlləməyə çalışır. Sözsüz ki, bu dünyanın
daha böyük güclərinin geosiyasi çəkişməsinin nəticəsidir.”
Bu sözləri News365.az-a açıqlamasında siyasi elmlər doktoru Elşad Mirbəşir oğlu deyib. O, Nikol Paşinyanın “Tranzit qaz kəməri Ermənistan ərazisindən keçərsə, Azərbaycandan qaz almağa hazırıq.” İfadəsini şərh edərək ətraflı məlumat verib.
“Ermənistan Zəngəzur
dəhlizinin açılmasını istəmir. Buna baxmayaraq, regionda kommunikasiyaların
açılması mütləqdir. Nəzərə almaq lazımdır ki, Ermənistan apardığı işğalçılıq
siyasəti ilə regionda həyata keçirilən layihələrdən özünü təcrid edib.
Regionda Azərbaycanın
birbaşa iştirakı və təşəbbüsü ilə çox mühim enerji və nəqliyyat layihələri həyata
keçirilib. Ermənistan Azərbaycan ərazilərində işğalçılıq siyasəti həyata
keçirdiyinə görə bu mühim layihələrdən kənarda qalıb. Bu gün Ermənistan rəhbərliyi
və cəmiyyəti dərk edir ki, bu layihələrdən kənarda qalmaqla Ermənistan çox
böyük iqtisadi dividendlərdən məhrum qalıb. Bu səbəbdən Paşinyan Ermənistan ərazisindən
Azərbaycan qazının tranziti imkanlarından danışır. Nəzərə almaq lazımdır ki,
bunun üçün regionda kommunikasiyalar yaradılmalıdır. Kommunikasiyalar
yaradılmadan Azərbaycan qazının Ermənistan üzərindən tranzit keçidini təmin etmək
mümkün deyil.”
Müsahibimiz
verdiyi açıqlamada qeyd edir ki, Paşinyanın açıqlamaları Ermənistanın bundan
sonra atacağı addımlardan asılıdır.
“Zəngəzur dəhlizi
sadəcə nəqliyyatın hərəkətini deyil, eyni zamanda digər ötürücülük imkanlarına
sahib olmağa təsir göstərir. Bu isə o mənaya gəlir ki, buradan elektrik və qaz
xəttinin keçməsi mümkün idi və Naxçıvan üzərindən Türkiyəyə çatdırıla bilərdi. Zəngəzur dəhlizinin açılması bu tip imkanları
təmin edəcək gücə sahibdir. Paşinyanın Azərbaycan qazının Ermənistan üzərindən
tranziti imkanları haqqında danışması hansısa məqamlara hesablanmış yanaşmadır.
Hər şeydən öncə
Azərbaycan və Ermənistan arasında sülh sazişi imzalanmalıdır. Azərbaycanın
olduqca haqlı, beynəlxalq hüquq normalarına uyğun şərtləri Ermənistan tərəfindən
nəzərə alınmalıdır ki, tərəflər arasında sülh sazişi imzalansın.
Sülh sazişi
imzalandıqdan sonra, Azərbaycan bütövlükdə regionda kommunikasiyaların
açılmasının tərəfdarıdır. Eyni zamanda sözsüz ki, bütün region ölkələrinin əməkdaşlığı
təşəbbüsü Azərbaycan tərəfindən irəli sürülmüşdür.
Bu əməkdaşlıq
bütün sahələri, bununla belə, enerji sahəsinidə əhatə edə bilər. Hesab edirəm
ki, Paşinyanın səsləndirdiyi fikirlər Ermənistanın bundan sonra atacağı
addımlardan, sülh məsələsində nə qədər səmimi olmasından asıl olacaq.” – deyə
açıqlamasında bildirib.