Paşinyan Ermənistanın beynəlxalq hüquqi məsələlər üzrə nümayəndəsi postuna yeni rəhbər təyin edib

Ermənistanın Baş naziri Nikol Paşinyan Karen Andreasyanı ölkənin beynəlxalq hüquqi məsələlər üzrə nümayəndəsi postuna təyin edib.

News365.az “Sputnik Armenia”ya istinadən xəbər verir ki, müvafiq sərəncamı hökumət başçısı bu gün imzalayıb.

Andreasyan bu vəzifəni mart ayında vəzifədən gedən Eqişe Kirakosyanın yerinə tutub.

Qeyd edək ki, 2024-cü ilin noyabrında Karen Andreasyan Ali Məhkəmə Şurasının rəhbəri vəzifəsindən istefa verib.