NATO Litvada helikopterlərlə əzələ nümayişinə başladı

Litvada NATO-nun onlarla alman helikopterinin də iştirak etdiyi beynəlxalq hərbi təlimlər keçirilir. Xarici KİV yazıb ki, bu barədə Baltikyanı respublikanın ordu komandanlığı məlumat yayıb.

Manevrlər üçün “Tiger” hücum helikopterləri, NH90 orta çoxməqsədli helikopterlər, CH-53 ağır nəqliyyat helikopterləri və EC135 yüngül çoxməqsədli helikopterlər Litvaya göndərilib. Onların sayı 30-dur.

Bu helikopterlər gecə və gündüz saatlarında təlim tapşırıqlarını yerinə yetirərkən mümkün olan ən aşağı hündürlükdə (150 m) uçacaqlar.

Təlimlərin məqsədi Şimali Atlantika Alyansının müdafiə planları çərçivəsində müəyyən hərəkətləri məşq etməkdir. Tədbirlər mayın 23-dək davam edəcək.

Tural