Meksikada tapılan 2 min illik yaşıl maska hər kəsi heyrətləndirib -"Daily Mail"

Daily Mail maraqlı məlumat yayıb. Qeyd edilib ki, sosial şəbəkə istifadəçiləri Meksikada qazıntı zamanı tapılan maskadan təəccüblərini gizlətmirlər. Buna səbəb tapıntının məşhur aktyor Cim Kerrinin "Maska" filmindəki personajının taxtığı maskayla oxşar olmasıdır.

"Meksikanın ən heyrətamiz abidələrindən biri olan  və San Juan Teotihuacanda yerləşən Günəş Piramidası hər il milyonlarla turisti özünə cəlb edir. Bu yaxınlarda arxeoloqlar orada unikal tapıntı - 2000 illik yaşı olan yaşıl rəngli maska ​​aşkar ediblər. Bu, sosial şəbəkə istifadəçiləri arasında qızğın müzakirələrə səbəb olub. Şərhçilər belə qənaətə gəliblər ki, “Maska” filminin baş qəhrəmanı eyni maskanı taxıb. İnsanlar zarafata hətta yazıblar ki, "Maraqlıdır bizi yeni, başqa bir maska filmi gözləyir?" - məqalədə yazılıb.

Qazıntılar zamanı vulkanik qaya ilə örtülmüş pişik kəlləsi, it kəlləsi və qartal kəlləsi də tapılıb. Mütəxəssislərin fikrincə, bunlar “təntənəli qurbanlar”la bağlı mərasimin nəticəsi ola bilər.

Tural