"Məhsəti Gəncəvi hansı statusla sarayda yaşayıb?"- Hüquqşünas
Sabiq mədəniyyət
naziri Əbülfəs Qarayevin qızı Suad xanım Məhsəti Gəncəvi haqqında bədii film çəkib,
amma Mədəniyyət Nazirliyinin nəzdindəki Bədii Şuranın senzurasından keçməyib. Səbəb:
şairəni əxlaqsız qadın kimi təqdim edib, üstəlik erotik səhnələr, normativ-etik
xarakterli və digər ciddi pozuntular var.
Məsələ ilə
bağlı News365.az -a danışan hüquqşünas Əkrəm Həsənov deyib
ki, ümumən
bədii əsər onun müəllifinin fantaziyasının məhsuludur:
“Hətta söhbət tarixi şəxsiyyətərin həyatından
gedirsə belə. Məsələn,
“Babək” filmində Babəklə (Rasim Balayev) mərhum Cavidanın arvadı Zərnisə
(Amaliya Pənahova) arasındakı erotik səhnədən sonra Zərnisə çıxıb xürrəmilərə
deyir ki, Cavdian vəsiyyət etdi ki, məndən sonra rəhbəriniz Babəkdir. Yəni
faktiki belə çıxır ki, Babək karyerasını yataq üzərindən qurubmuş. İndi nə edək:
bu filmi də Babək üçün təhqir hesab edərək yasaqlayaq?..
Həm də axı
Əbülfəs Qarayevin qızını da başa düşmək olar. Ətrafa baxıb görür ki,
şou-biznes/mədəniyyət əhli, bir qayda olaraq, əxlaqsızdır və karyeraları yataq
üzərindən qurulur. Odur ki, çağdaş reallığı götürüb 8 əsr əvvələ şamil edib...
Tarixi Məhsəti
Gəncəviyə gəldikdə isə onun haqqında məlumat çox azdır. Hətta real tarixi şəxsiyyət
olub-olmaması da sual altındadır. Ortada yalnız fars dilində yazılmış şeirlər
var. Bir də deyirlər ki, Nizamidən fərqli olaraq Məhsəti xanım saray şairi
olub. Hərfi mənada: atabəylərin sarayında yaşayıb. Bunun özü də sual doğurur.
Müsəlman dövlətində azad qadın sarayda necə yaşaya bilərdi axı? Sarayda ya atabəyin
ailəsinə aid qadınlar, ya da kölələr (cariyələr) yaşaya bilərdi. Məhsəti hansı
statusla sarayda yaşayıb axı?..”
News365.az
